“Unë vërtet kam më pak liri sesa Kryeministri, por kam shumë herë më tepër dinjitet se ai.”
Tri kërkesat që, sipas Veliajt, iu përcollën në burg
Veliaj publikon një letër që thotë se e ka shkruar vetë, ku përshkruan një takim me ministrin e Drejtësisë, Toni Gogu, të premten në orën 22:30.
Sipas shënimit të tij, Gogu i ka thënë se Rama është marrë personalisht me transferimin, lejen për spital, takimet dhe kontaktet me miqtë e familjen.
Në letër renditen më pas tri kërkesa që Veliaj ia atribuon kryeministrit:
“Prano përfshirjen me Flamingot – Studentët ose do të shtohen akuzat për ‘prishje të rendit kushtetues’ nga burgu e do bësh 100 vjet burg në 313 e 302.”
“Hiq dorë nga bashkia TR dhe delegoje (te Arbër Hajdari).”
“Mos u këshillo më me Plarent Ndrecën.”
Këto janë pretendime të Veliajt për përmbajtjen e takimit. Letra e publikuar prej tij nuk përbën verifikim të pavarur se deklaratat dhe kërkesat janë përcjellë siç ai i përshkruan.
“Nxirr një provë. Ndryshe ik!”
Veliaj mohon çdo rol në organizimin apo financimin e protestave, duke i cilësuar akuzat “haluçinacione bolshevike”.
“Sfidoj Kryeministrin e vendit të nxjerrë një provë të vetme për aludimet e protestave. Ndryshe ik!”, shkruan ai.
Me këtë reagim, Veliaj e drejton përgjegjësinë për trajtimin e tij në burg personalisht te Rama dhe e lidh atë me presionin për të lëshuar Bashkinë e Tiranës. Pretendimet e tij kërkojnë përgjigje nga kryeministri dhe ministri i Drejtësisë, veçanërisht për takimin dhe kërkesat që ai thotë se i janë përcjellë. /Lapsi.al